Mii ohcat sámegielmielbargi
Máhtát go davvisámegiela ja máhtát oahpahit sámegiela earáide? Áŋgirušat go nannet sámegiela? De don leat rivttes olmmoš gean mii háliidit ođđa mielbargineamet.
Gáissi mielbargin beasat ovdánahttit, plánet ja čađahit ođđa ja miellagiddevaš giellaoahpahusa ollesolbmuid várás. Don beasat bargat sámegielat bargobirrasis, mii lea soddjil ja ođasmahtti, ovttas movttegis, áŋgiris ja fágalaččat čeahpes kollegaiguin. Beasat maiddái ovttasbargat universitehta ja allaskuvlla fágaolbmuiguin.
Mii háliidit 100 % virgái sámegielat olbmo guhte máhttá ollašuhttit, fuolahit ja ovdánahttit Gáissi sámegieloahpahusa.
Min oahpahuslatnja lea heivehuvvon digitála oahpahussii, nu ahte lea vejolaš ráhkadit ođđa digitála oahppanarenaid ja ovttasbargat digitálalaččat eará giellaoahpahalliiguin. Giellaoahpahussii mis lea vejolašvuohta virgádit sámegielat veahkkebargiid ja dan láhkái nannet oahppama.
Eanaš kurssat lágiduvvojit maŋŋegaskabeaivve ja eahkes, ja daidda lassin mii fállat giellaoahpahusa praktihkalaš bargguid bokte vahkkoloahpaid. Danin fertet sáhttit bargat eahkes ja muhtun vahkkoloahpaid.
